Subscribe në Ora News këtu http://bit.ly/1s5j7UT

Institucionet e Arsimit të lartë po zhvillojnë ditët e hapura me maturanët me qëllim informimin e tyre për kriteret dhe programet. Kjo konsultim do të kryhet përpara se maturanët të plotësojnë formularin A2, që përzgjidhen programet për vazhdimin e studimeve të larta. Ministria e Arsimit bën me dije se standardi i maturës shtetërore nuk do të cënohet pavarësisht fushatës zgjedhore.
Përpara provimeve të maturës shtetërore, maturanët mund ti shfrytëzojnë ditë e mbetura duke u informuar për programet, kriteret dhe kushtet e Universiteteve për të qenë më të qartë në zgjedhjen që do të bëjnë.
Një nga ditët e hapura që ka për qëllimin e maturantëve u organizua në Fakultetin e Histori-Filologjisë.
Valentina Duka: Për ti sensibilizuar ata të jenë pjesë e Universitetit të Tiranës, Universitetit më të madh dhe më të rëndësishëm të Shqipërisë. I ftojmë të jenë pjesë e këtij Fakulteti që është Qendra e Studimeve Albanologjike në të gjithë degët që ai ofron.
Dhori Kule: Ne nuk kemi bërë asnjë ndryshim në krahasim me vitin e kaluar, të njëjtat kritere. Sa i përket procedurave, këtë vit besoj se nuk do të na ndodhë fenomeni i vitit të kaluar, pasi kam bindjen që do të respektohet ligji.

Për më shumë lexoni në: http://www.oranews.tv/vendi/matura-shteterore-universitetet-infomojne-per-kriteret-dhe-programet/