Tamil director Bharatiraja made allegations cine actors Rajinikanth and Kamalhassan on Thursday. Bjp is playing key role behind Rajinikanth he said.

స్థానికేతరుడైన రజనీకాంత్ తమను పాలిస్తే స్వాగతించే స్థితిలో తాము లేమని తమిళ దర్శకుడు భారతీ రాజా తీవ్రస్థాయిలో విరుచుకుపడ్డారు. నోటా కంటే తక్కువ ఓట్లు వచ్చిన బిజెపి రజనీకాంత్‌ను రంగంలోకి దింపుతోందని ఆయన ఆరోపించారు.వయస్సు అయిపోయాక రాజకీయాలంటూ వచ్చారని రజనీకాంత్, కమల్‌హసన్‌పై ఆయన విమర్శలు గుప్పించారు.
తమిళ సూపర్ స్టార్ రజనీకాంత్ స్థానికేతరుడని తమిళ దర్శకులు భారతీ రాజా,సీమాన్ తీవ్ర విమర్శలు గుప్పించారు. స్థానికేతరుడైన రజనీకాంత్ తమను పాలించడాన్ని ఎలా స్వాగతిస్తామని తమను పాలించేందుకు స్థానికేతరుడిని ఎలా సమర్థిస్తామని, రజనీకాంత్ విశ్వాసఘాతుకానికి నిలువెత్తు నిదర్శనమని తమిళ దర్శకులు భారతీ రాజా, సీమాన్ విమర్శలు చేశారు. రజనీకాంత్ ‌ను అడ్డుపెట్టుకొని కొన్ని పార్టీలు ప్రయోజనం పొందాలని చూస్తున్నాయని, ఈ రకమైన ఎత్తులు తమిళనాడులో పని చేయవన్నారు.
నోటా కంటే తక్కువ ఓట్లు వచ్చిన బిజెపి రజనీకాంత్‌ను తెరమీదికి తెచ్చిందని, బిజెపి స్వతంత్రంగా పోటీ చేస్తే తమిళ ప్రజలు పట్టం కట్టరనే ఉద్దేశ్యంతో రజనీకాంత్‌ను ముందు పెట్టారని, బిజెపి వ్యూహత్మకంగా ఈ ప్రయత్నాలు చేస్తోందని వారు ఆరోపించారు.