Shah Rukh Khan, who is shooting for Aanand L Rai's Zeroin Mumbai, reportedly took a chopper to work to escape the traffic during peak hours. mid-day reports that the location from Shah Rukh Khan's home in Bandra to Vasai, the location where he'll be shooting until April 8, would have taken him 'three hours,' so he opted for a 'quicker mode of transport.

ఓ వైపు సినిమా రిలీజ్ డేట్ దగ్గర పడుతోంది. మరో వైపు అనుకున్న సమయానికి షూటింగ్ పూర్తి కావడం లేదు. దీంతో ప్రొడక్షన్ కాస్ట్ పెరిగిపోతోంది. ఇంకా బోలెడంత షూటింగ్, సీజీ వర్క్ పెండింగులో ఉంది. షూటింగ్ పూర్తయితే తప్ప ఆ పని మొదలు పెట్టడానికి లేదు. దీంతో ఏం చేయాలో పాలుపోని నిర్మాతలు ఖర్చు ఎక్కువైనా సరే హీరోగారు షూటింగుకు రావడానికి ప్రత్యేకంగా హెలికాప్టర్ ఏర్పాటు చేశారు. ఆ హీరో మరెవరో కాదు.... బాలీవుడ్ బాద్ షా షారుక్ ఖాన్.
ప్రస్తుతం షారుక్ ఖాన్ ‘జీరో' అనే బాలీవుడ్ చిత్రంలో నటిస్తున్నాడు. ఈ చిత్రం ముంబై సమీపంలోని వాసైలో షూటింగ్ జరుపుకుంటోంది. షారుక్ నివాసం ఉండే బాంద్రా నుండి అక్కడికి రోజూ కార్లో వెళ్లీ వచ్చేందుకు ఆరు గంటల సమయం కేటాయించాల్సి వస్తోందట. ట్రాఫిక్ ఇబ్బందుల కారణంగా షారుక్ సెట్స్‌కు ఆలస్యంగా వస్తుండటం, దీంతో షూటింగ్ ఆలస్యం కావడం లాంటివి జరుగుతున్నాయట.
ఇక్కడ షూటింగ్ జరిగినన్ని రోజులు షారుక్ నివాసం ఉండే బాంద్రా నుండి వాసై వరకు ప్రత్యేకంగా హెలికాప్టర్ ఏర్పాటు చేశారు. ఈ చిత్రంలో షారుక్ మరుగుజ్జు పాత్రలో నటిస్తున్న సంగతి తెలిసిందే.
‘జీరో' మూవీలో సల్మాన్ ఖాన్, దీపిక పదుకోన్, రాణి ముఖర్జీ, కాజోల్, అలియా భట్, కరిష్మా కపూర్, జుహి చావ్లా తదితరులు స్పెషల్ అప్పియరెన్స్ ఇవ్వనున్నారు. వీరంతా సినిమాలో ఓ పాటలో కనిపిస్తారని టాక్.
డిసెంబర్ 21న ‘జీరో' సినిమా రిలీజ్ అవ్వాల్సి ఉంది. అయితే ఇంకా చాలా షూటింగ్, సీజీ వర్క్ పెండింగులో ఉంది. షారుక్ షూటింగుకు లేటుగా రావడం వల్ల ప్రొడక్షన్ కాస్ట్ కూడా పెరుగుతోంది. అందుకే ఆయన కోసం స్పెషల్ చాపర్ ఏర్పాటు చేశారు.