http://www.vizionplus.tv
https://facebook.com/VizionPlusTV
https://twitter.com/VizionPlusTV
Herën e fundit që krimet kompjuterike u futën në legjislacionin shqiptar ishte viti 2001. Që prej asaj kohe me dhjetëra vepra të cilat ligji ynë nuk i parashikon konsumohen në Shqipëri.


Edhe në operacionin e policisë chat line ku u prangosën disa vajza të cilat sipas autoriteteve ushtronin prostitucion online në kodin penal të Republikës së Shqipërisë, diçka e tillë nuk parashikohet.

Për këtë, ato u lanë të lira nga gjykata.

Prej kohësh policia e shtetit u bën thirrje qytetarëve të kenë kujdes për këtë lloj krimi por sipas ndërkombëtarëve ajo që duhet bërë janë ndryshimet ligjore.

Të njëjtin apel bëri dhe koloneli Walter Ugner ish-drejtor i mbrojtjes kibernetike në Ushtrinë Austriake disa javë më parë gjatë vizitës së tij në Shqipëri.

?Në hapësirën kompjuterike nuk ka limite gjeografike apo kufij kështu që çdokush që është i lidhur me rrjetin është në rrezik, pasi mund të sulmohet nga këta kriminelë online. Në europe krimi kibernetik është një problem shumë i madh për të gjitha vendet e bashkimit njëkohësisht edhe për Shqipërinë. Në këtë kontekst vendi juaj duhet të adoptojë disa ligje të cilat janë në Bashkimin Evropian siç është konventa europiane e krimit kibernetik.?

Në Kodin Penal shqiptar nuk parashikohen disa dhjetëra vepra penale të konventës Europiane e cila veç të gjitha llojeve të krimit kompjuterik lejon edhe ekstradimin për disa nga shkeljet.