Partia Demokratike i kërkoi ish-zvministres së Brendshme Elona Gjebrea të mos u shmanget sqarimeve nëse ka udhëtuar në Greqi me makinën e vëllezërve Habilaj. Sipas selisë blu, ajo duhet t?i përgjigjet pyetjes nëse është takuar ndonjëherë me Habilajt dhe për çfarë arsye?

Dhurata Çupi, Deputete e PD :?Partia Demokratike i kërkon deputetes socialiste të japë shpjegime nëse si Koordinatore Kombëtare Kundër Trafikimit ka qenë e informuar për trafikun masiv të drogës dhe të armëve nga Shqipëria në Itali dhe Greqi? tha se cilado qoftë apo jo përgjegjësia penale e Elona Gjebreas, është dita që ajo të kërkojë falje dhe të bashkëpunojë me drejtësinë?.

Pas këtyre pyetjeve ka reaguar edhe deputetja e Partisë Socialiste me anë të një komenti në rrjetet sociale. Ajo thotë se asgjë të paligjshme apo të pamoralshme nuk ka në punën e saj 4-vjeçare si Zv.Ministre e Punëve të Brendshme edhe sot si deputete, por dhe gjate gjithë jetës dhe karrierës së saj. Gjebrea shkruan se sulmet e opozitës janë një përpjekje e dështuar për të njollosur figurën e saj duke hedhur në tregun mediatik mashtrime dhe të pavërteta.

Deputetja socialiste thotë se baltosësit dhe shpifësit që hedhin baltë mbi figurën e saj do të përballen me ligjin pasi deri sot nuk ka pasur asnjë thirrje nga prokuroria. Gjithsesi, njëlloj si para gazetarëve ditën e premte, Gjebrea nuk jep detaje mbi udhëtimin e saj të 8 Gushtit 2014 në Greqi nga porti Sarandës bashkë me ministrin Tahiri. 8 ditë më pas ata u kthyen në Shqipëri me makinën Audi A8 që u dërgoi personalisht Artan Habilaj. Ky është episodi i cili mbetet ende i pasqaruar për organin e akuzës.