Subscribe në Ora News këtu http://bit.ly/1s5j7UT

Tre kushërinjtë e arrestuar se kanë qëlluar me automatik natën e ndërrimit të viteve (31 dhjetor- 1 janar 2018) në Sanxhak të Kurbinit dolën sot në gjykatën e Laçit për vlerësimin e masës së sigurisë.

Aktualisht ndaj tre të arrestuarve Alban Lika, 25vjeç, Ernis Lika, 20vjeç, dhe Arber Lika, 18 vjec rëndon vetëm akuza "Prodhimi dhe mbajtja pa leje e armëve luftarake dhe e municionit ? dhe ?Prishja e qetësisë publike?.

Ndaj Alban dhe Ernis Lika u vendos masa e sigurisë 'arrest me burg" ndërsa për 18 vjeçarin u vendos masa e sigurisë 'arrest shtëpie"

Seanca ndaj 3 kushërinjve po zhvillohet me dyer të mbyllura. Ndërkohë jashtë saj familjarët thonë se të afërmit e tyre po festonin dhe nuk kanë lidhje me vrajsen e Klejdi Gjetës.

Madje ata nuk fshehin indinjatën me disa media të cilat sipas tyre i kanë bërë të nënkuptohen se janë ata autorë të dyshuar të vrasjes së 16 vjeçarit.

Ndërkohë nga ekspertiza mjeko ligjore ka rezultuar se Klejdi humbi jetën nga një plumb automatiku në kokë. Djali kishte hipur në tarracë për të shpërthyer fishekzjarre kur u qëllua nga një plumb në kokë

Ekspertët mjeko ligjorë të Tiranës gjetën plumbin në kokën e viktimës.

Plumbi do të analizohet për të parë nëse ka dale nga kallashnikovi me të cilën kanë qëlluar tre të rinjtë e arrestuar më 2 janar 2018.

Për më shumë lexoni në:

http://oranews.tv/article/kurbin-dalin-ne-gjykate-tre-djemte-qe-qelluan-me-automatik-naten-e-nderrimit-te-viteve