Përfshihet nga flakët Qendra Shëndetësore në Laprakë. Zjarri ka rënë në pjesën e jashtme të godinës e cila është inauguruar pak kohë më parë.

Shkak për zjarrin dyshohet të ketë qenë një shkëndijë elektrike në matësin e energjisë elektrike. Në videon e siguruar nga Report Tv duket qartë momenti i rënies së zjarrit në pjesën e pasme të Qendrës Shëndetësore.

Mësohet se flakët janë shuar dhe nuk raportohet për persona të lënduar përveç panikut që ka shkaktuar te personeli mjekësor dhe pacientët të cilët kanë lënë godinën për pak momente.