http://www.vizionplus.tv
https://facebook.com/VizionPlusTV
https://instagram.com/vizionplustelevizion
https://twitter.com/VizionPlusTV
Ngecja në rërë e kësaj makine fuoristradë duket se dështoi trafikimin e një sasie prej të paktën 500 kilogramë kanabis drejt Italisë.



Mjeti që dyshohet se kishte nxjerrë në det gomonen e mbushur me drogë, u bllokua dhjetëra metra në thellësi të ujit, në zonën e plazhit të vjetër.



Përpjekja e trafikantëve për ta nxjerrë makinën në breg nuk rezultoi e suksesshme, ndaj dhe ata e braktisën.



Policia tha se makina me targa italiane i është nënshtruar ekspertizës. Por paralelisht me zbulimin e saj, agjentët u vunë në ndjekje të gomones 5 metra të gjatë. Ajo u gjet pranë petroliferës e mbushur me hashash.



Droga e sekuestruar ishte planifikuar të kalonte Otranton gjatë natës, por pengesë është bërë moti i keq. Policia ndërkohë ka shoqëruar 3 persona të dyshuar, si pjesëtarë dhe organizatorë të trafikut.