TIRANE - Gjykata e Krimeve të Rënda dha arrest me burg për 39 të arrestuarit për trafik të klandestinëve nga Shqipëria në SHBA, Kanada dhe Angli kundrejt shumave të konsiderueshme të parave. Një seancë e cila zgjati rreth 11 orë, nga ora 09:30 e mëngjesit të kësaj të hëne e deri në mbrëmje në 20:40, konkludoi me pranimin e kërkesës së prokurorit Eugen Beci nga trupi gjykues duke lënë në burg 39 të arrestuarit.