TIRANE-27 marsi është vendosur si Dita Botërore e Teatrit në vitin 1961 nga Instituti Ndërkombëtar Teatror i UNESCO-s. Por a e ka humbur teatri sot forcën e dikurshme? Aktori i njohur Mirush Kabashi në një intervistë për Report Tv tregon rëndësinë e këtij institucioni artistik si dhe trishtimin që ndjen për mungesën e vëmendjes ndaj kësaj date nga ana e institucioneve shqiptare.

Kabashi e vlerëson teatrin si një katarsis të pazëvendësueshëm. Ai kujton një shprehje të aktorit të ndjerë Kadri Roshit për efektin që ka teatri për gjithkënd. Nga ana tjetër prej vitesh, kritikë të teatrit botëror flasin për një krizë botërore, që ndihet çdo ditë më tepër edhe në Shqipëri, gjë të cilën e vëren edhe kritiku i teatrit shqiptar Josif Papagjoni.