VLORË - Rreth 30 pako me lëndë narkotike e llojit Cannabis Sattiva janë kapur këtë të diel në Orikum. Sipas burimeve për Report Tv, droga e sekuestruar kishte si destinacion vendin fqinj Italinë.

Operacioni është kryer gjatës natës së mbrëmshmë, por policia nuk jep informacion. Gjithashtu burimet i thanë Report Tv se gjatë operacionit është kapur edhe një gomone e cila do transportonte drogën dhe një furgon. Burimet thonë që janë rreth 700 kg kanabis, bashkë me lëndën narkotike dhe një furgon i madh e një gomone në Orikum. Operacioni ka qënë i përbashkët me forcat e kufirit, ku janë kapur edhe 600 litra benzinë.Report Tv ka siguruar pamje ekskluzive të drogës së kapur gjatë natë së mbrëmshmë në Orikum. Sipas burimeve mbrëmë një operacion policor ka bërë të mundur sekuestrimin e 700 kg lëndë narkotike, e llojit kanabis, 2 furgonave dhe një gomoneje. Gjithashtu u sekuestrua edhe një kg vaj hashashi.
Në video shihen pako të gjetuara në anë të detit me iniciale dhe kode që shërbejnë për identifikimin e lëndës narkotike nga personat që e merrnin.