Më shumë se 12 mijë vizitorë kanë qëndruar në Berat në tre muajt e parë të vitit 2018, kryesisht të tërhequr nga turizmi kulturor dhe historik, ndërkohë që numri i vizitorët po shënon rritje këto muaj të pranverës për shkak të atraksioneve natyrore.

Mishela Muxhaj: "2018 ka arritur në numrin e 12 mijë vizitorëve."

Investimet, shtimi i kapaciteteve të akomodimit dhe reklamimi në arenën ndërkombëtare kanë dhënë efektet pozitive duke tërhequr vizitorët, por sfida e madhe është mbajtja e tyre sa më gjatë në qytet.

Për këtë Bashkia e Beratit në bashkëpunim me operatorët synojnë krijimin e paketave që bëjnë bashkë turizmin kulturore me atë të aventurës, duke u ofruar vizitorëve shërbime sa më cilësore.

Mishela Muxhaj: "Numri i kapaciteteve në qytetin e Beratit është rritur kjo për faktin se vizitorët nuk mund ta gjejnë veten këtu për një ditë por për një ditë e gjysmë ose edhe më shumë."

74 mijë vizitorë u regjistruan në Berat gjatë vitit të kaluar, ndërkohë që këtë vit, parashikohet një rritje e fluksit të turistëve në qytetin e mbrojtur nga UNESCO.
Për më shumë lexoni në:
http://oranews.tv/article/berat-12-mije-turiste-ne-3-muaj