Subscribe në Ora News këtu http://bit.ly/1s5j7UT

Kastrito Myftaraj në emisionin "Ju flet Moska" ka folur për Partinë Demokratike. Sipas tij PD po shkon pashmangshëm drejt "varrit" politik.

Myftaraj: Ka disa rregulla të pashkruara në politikë. Në vendet e varfëra ku zhgënjimi nga politika është i madh jeta e partive politike është e shkurtër. Partitë politike në vendet e varfëra rriten me premtime të cuditshme dhe në fund vdesin si organizma.

PD po e përfundon ciklin e jetës së saj sipas këtij ligji. U krijua në një vend të varfer, u rrit me premtime dhe shpresa të jashtëzakonshme, zhgënjeu për arsye sepse në dallim na Partia e Punës, rivalia e saj dhe ndaj së cilës doli si alternativë, PD kishte ushqyer shpresa të jashtëzakonshme.

Këto ia shkurtuan ciklin e jetës. Në vendet e varfëra ku jeta e partive është e shkurtër, partitë mund ta zgjatin jetën vetëm duke përdorur dy mënyra, frikën dhe blerjen e votës. Partia Demokristian në Itali në kohën e luftës fitonte në Sicili. Habiteshin të gjithë sesi në pjesën më të varfër të Italisë, jugu i Italisë ishte hambari i votave i të djathëve kur duhet të ishte i të majtëve dhe u vërtetua që votat ia siguronte mafia.

Për më shumë lexoni në: http://oranews.tv/article/ju-flet-moska-pse-pd-po-shkon-pashmangshem-drejt-varrit-politik