Nënkryetari i bashkisë Tiranë, Andi Seferi dhe drejtoresha e shkollës së Baletit në Tiranë, Blerina Arbana ishin sot të ftuar në emisionin ?Kush vjen për drekë? në Tv Klan.
Seferi tha se ka marrëdhënie të mira me gatimin dhe se gjatë fundjavave gatuan për familjen e tij dhe sot kishte zgjedhur të përgatisë peshk me perime në furrë.
Ndërkohë drejtoresha e shkollës së Baletit kishte zgjedhur të përgatisë eskallop me mish viçi dhe kërpudha. Në fund të emisionit të dy të ftuarit provuan pjatat dhe si më e mirë u shpall ajo e nënkryetarit të bashkisë Andi Seferi.