Pavitra Lokesh Strong Comments On tollywood Issue. She made indirect comments on Sri Reddy

కాస్టింగ్ కౌచ్ గురించి అన్ని చిత్ర పరిశ్రమల్లో ప్రస్తుతం జరుగుతోంది. అవకాశాల పేరుతో వర్తమాన నటీమణులని వాడుకుంటున్నారనే వాదనని దీనిపై పోరాటం చేస్తున్న శ్రీరెడ్డి లాంటి వాళ్ళు చెబుతున్నారు. కానీ కాస్టింగ్ కౌచ్ కి అంగీకరించాలా లేదా అనే నిర్ణయం నటీమణులదే అని వాదించే వారూ లేకపోలేదు. క్యారెక్టర్ ఆర్టిస్టుగా రాణిస్తున్న నటి పవిత్ర లోకేష్ తాజాగా ఓ ఇంటర్వ్యూ లో కాస్టింగ్ కౌచ్ గురించి స్పందించారు. పవిత్ర లోకేష్ కాస్టింగ్ కౌచ్ గురించి మాట్లాడుతూ శ్రీరెడ్డిపై పరోక్షంగా సెటైర్లు పేల్చారు. కాస్టింగ్ కౌచ్ విషయంలో తన సంచలన అభిప్రాయాన్ని నటి పవిత్ర వెల్లడించింది.
కాస్టింగ్ కౌచ్ చాలా సున్నితమైన అంశం. ఈ విశ్వంలో ఆడ, మగ జాతులు ఉన్నాయి . ఆడవాళ్లు మగవాళ్ళని, మగవాళ్ళు ఆడవాళ్ళని ఉపయోగించుకోవడం అనేది అన్ని రంగాల్లో ఉంది. అది నేచర్ కూడా అని పవిత్ర అన్నారు.
మనం బ్రతకడానికి డబ్బు అవసరం అని పవిత్ర అన్నారు. అధిక మొత్తంలో డబ్బు కావాలని భవిస్తే అదేస్థాయిలో ఇతర పనులు కూడా చేయాల్సి ఉంటుంది. ఆ పని చేసే ముందు ఎందుకు చేస్తున్నాం అని ఆలోచించాలి. అంగీకరించి ఆ పని చేస్తే అది మన సమస్య మాత్రమే అవుతుందని పవిత్ర అన్నారు.
అసలు ఈ వ్యవహారానికి కాస్టింగ్ కౌచ్ అంటూ చాలా పెద్ద పేరు పెట్టారు. 4, 5 సంవత్సరాల చిన్నారులు రేప్ కి గురవుతున్నారు. ఇది అసలు పెద్ద విషయం అని పవిత్ర అన్నారు. ఎవరైనా మాట్లాడితే ఈ విషయం గురించి మాట్లాడాలని పవిత్ర సూచించారు.