Gazetari i Televizioni Klan, Simon Shkreli ishte duke punuar mbi një reportazh për ndotjen e Liqenit të Shkodrës, kur papritur u ndesh me një pirg kanabis në breg të tij. Menjëherë njoftoi policinë për atë që pa.

Nuk vonuan dhe uniformat blu të Malësisë së Madhe shkuan në vendin e ngjarjes.

Hetuesit kryen veprimet proceduriale për rastin.

Në vendngjarje kishte edhe qese plasmasi me valvul ajrimi. Uniformat blu dyshojnë se kjo sasi droge do të transportohej në Mal të Zi. Hashashi në forme bohçe ishte paketuar në mënyrë që t'i rezistonte ujit, por mesa duket gjërat kanë shkuar keq.

Për këtë ngjarje kanë nisur hetimet, të cilat nisën me deklaratën në polici të gazetarit Simon Shkreli.