Deepika Padukone made a startling revelation during an interview with Evening Standard.
అందరి హీరోయిన్ల మాదిరిగానే బాలీవుడ్ టాప్ హీరోయిన్ దీపిక పదుకోన్‌ కూడా ఇండస్ట్రీకి వచ్చిన కొత్తలో, అవకాశాల కోసం ప్రయత్నిస్తున్న తొలినాళ్లలో అనేక ఒత్తిడులు, వేధింపులు ఎదుర్కొంది. తాజాగా లండన్ బేస్డ్ మేగజైన్ ఈవినింగ్ స్టాండర్డ్ తో ఆమె మాట్లాడుతూ పలు సంచలన విషయాలు బయట పెట్టారు. ఈ ఇంటర్వ్యూలో ఆమెకు హాలీవుడ్లో సంచలనం రేపిన హార్వీ వెయిన్‌స్టన్ ఇష్యూ గురించి, మీటూ కాంపెయిన్ గురించిన ప్రశ్నలు ఎదురయ్యాయి. ఆ ప్రశ్నలకు దీపిక తనదైన రీతిలో సమాధానాలు ఇచ్చారు.
బాలీవుడ్ డైరెక్టర్ల దృష్టిలో పడటానికి కొంత మంది తనకు ‘బూబ్ జాబ్' అడ్వైజ్ చేశారని, మరికొందరు బ్యూటీపజెంట్ కాంటెస్టుల్లో పాల్గొన్నాలని సూచించారని, ఇలాంటి చేయడం వల్ల త్వరగా గుర్తింపు వస్తుందని కొందరు సూచించారని ఆమె తెలిపారు.
సినిమా ఇండస్ట్రీకి అడుగు పెట్టిన కొత్తలో చాలా మంది చెత్త ఐడియాలు ఇచ్చారు, కొన్ని నీచమైన పనులు చేయాలని కోరారు. కానీ నేను అలాంటి మనిషిని కాదు, నాకు నచ్చిన దారిలోనే ఆత్మవిశ్వాసంతో ముందడుగు వేశాను అని దీపిక చెప్పుకొచ్చారు.