Ministria e Financave ka hapur skemën e granteve për sipërmarrësit e rinj. Me anë të një fondi prej 440 mijë Eurosh të dhënë nga qeveria gjermane do të mbështeten 110 biznese të vogla të cilat do të përzgjidhen sipas idesë më të mirë që ata do të ofrojnë. Kreu i Financave Arben Ahmetaj, tha se prioritet do të kenë ndërmarrjet të cilat mbështetin punësimin tek të rinjtë të moshave 19 deri në 34 vjeç.

 ?Programi i qeverisë është punësimi i grupeve 19-34 dhe mbi 50 vjeç. Tani ne jemi të bindur që duhet bërë më shumë për fuqizimin e ndërmarrjes së vogël dhe të mesme e cila është e adoptueshme ndaj konkurrencës?.

Me projektin e ri qeveria synon të hapë 140 vende të reja të pune dhe njëkohësisht fuqizimin e ndërmarrjeve të vogla e të mesme të cilat përbëjnë 99% të strukturës së të punësuarve në Shqipëri.