Një i moshuar rreth 85-vjeç është shpëtuar nga pushuesit në plazhin e Qerretit. Videoja ku i moshuari shfaqet në breg të detit është siguruar ekskluzivisht nga Report Tv e Shqiptarja.com.

Në video duket qartë momenti ku plazhistët i vijnë në ndihmë me çfarë të munden. Pasi e nxjerrin në breg ata i japin edhe ujë.

Mungesa e rojeve bregdetare në këtë zonë është denoncuar shpesh nga pushuesit. Gazetar Artur Korriku raporton për Report Tv se problem ka qenë edhe deti i egërsuar e me dallgë si pasojë e motit të keq.

Ai madje shton se një rast i ngjashëm ka ndodhur edhe një muaj më parë pikërisht në të njejtën zonë, kur një tjetër e moshuar u shpëtua nga pushuesit.