http://www.vizionplus.tv
https://facebook.com/VizionPlusTV
https://instagram.com/vizionplustelevizion
https://twitter.com/VizionPlusTV
Papa Françesku ka bere një tjetër lëvizje, e cila mund te përkthehet si një hap përpara qe Selia e Shenjte bene ne drejtim te Kosovës.



Mëngjesin e se mërkurës, Ati i Shenjte me ane te një dekreti Papa ka vendosur ta ndryshoi qasjen ndaj Kishës Katolike te Kosovës.



Administratura Apostolike e Prizrenit tashme zyrtarisht njihet si Dioqeza Prizren-Prishtine dhe Ipeshkvi i saj do te vijoi te jete Imzot Dode Gjergji.



Një lëvizje kjo qe i jep një autonomi me te madhe Kishës Katolike ne Kosove, e cila deri me dje ka qene ne nivel Administrature dhe qe ishte nen drejtimin e Selisë se Shenjte.



Por për shkak se Vatikani ende nuk e njeh Kosovën si shtet te pavarur, përsëri territori i kësaj dioqeze, do te jete nen varësinë e Vatikanit.



Duke pare lëvizjet dhe vendimit e Papa Françeskut i cili ne shume raste ka thyer tabu qindra vjeçare, nuk është aspak çudi qe ne një te ardhme te afër Vatikani te njoh Kosovën.



Ky vendim i Papës vjen saktësisht ne 5 shtator, ditën që shënon dy vjetorin e Shenjtërimit te Nene Terezës.



Ndërkohë, në përkujtim të nënë Terezës në vende të ndryshme janë mbajtur mesha në nderim të figurës së saj.