Zyrat e konfederatës së Sindikatave Shqiptare në Elbasan ishin mbyllur prej kohësh nga Bashkia e këtij qyteti, por sot ato janë hapur ndërsa ky veprim është bërë nga kreu i kësaj sindikate, Kolë Nikolla.

Sipas tij mbyllja e zyrave të konfederatë është bërë forcërisht, ndërkohë që ato janë në pronësi të sindikatës për më shumë se 20 vite. Hapja e zyrës është bërë duke u shqyer dera kryesore.

Ndërsa sindikalisti Nikolla ka deklaruar se do të depozitojë një kallëzim penal pranë organeve të prokurorisë, në lidhje me këtë problem mjaft shqetësues që ka për qëllim marrjen e pronave për të ngritur pallate shumë katëshe.