Subscribe në Ora News këtu http://bit.ly/1s5j7UT

Gjykata Administrative pritet të marrë në shqyrtim padinë e 16 magjistratëve që prej muajit korrik janë në pritje të emërimeve. Ata e cilësojnë jo të drejtë mosemërimin e tyre në detyrë, ndërkohë që kjo zvarritje ka ardhur si pasojë e mosformimit të organeve të reja të drejtësisë.

Vonesa në ngritjen e institucioneve te reja të drejtësisë si Këshilli i Lartë i Prokurorisë dhe Gjykatës, po penalizon edhe magjistratët e rinj, të cilët duhet të ishin emëruar në detyrë që në muajin korrik.
Janë këto dy organe që me Kushtetutën e re, kanë kompetencë emërimi, por mosngritja e tyre ka bërë që magjistratët të mbeten ende në pritje, ndonëse me shkarkimet nga vettingu shumë vende kanë mbetur bosh në sistemin e prokurorisë dhe gjykatave.
Por 16 të diplomuarit në Shkollën e Magjistraturës, 8 në profilin gjyqtarë dhe 8 prokurorë, nuk kane qëndruar në heshtje.

Ata i janë drejtuar Gjykatës Administrative të Apelit, me një padi për kryeprokuroren Arta Marku, Këshillin e Lartë të Drejtësisë dhe Këshillin e Ministrave për mosemërimin e tyre në detyrë.
Padia civile është depozituar më 26 shtator 2018 në Gjykatën Administrative të Apelit, aty ku do të shqyrtohet nga gjyqtarja Elvana Cicolli.

Për më shumë lexoni në: http://www.oranews.tv/article/magjistratet-padisin-ne-gjykate-arta-markun-kld-ne-dhe-qeverine