Gjykata Supreme sot ia lidhi duart Prokurorisë Speciale lidhur me shumë hetime dhe aktakuza të rëndësishme. Supremja doli me konstatimin, sipas të cilit, PSP-ja nuk ka guxuar të parashtrojë aktakuza dhe të iniciojë hetime pas 30 qershorit të vitit 2017. Pikërisht pas kësaj periudhe, ekipi i Katica Janevës, parashtroi aktakuzë për financim të paligjshëm të VMRO-DPMNE-së, si dhe hetime kundër Nikolla Gruevskit, Ali Ahmetit, Sasho Mijallkovit dhe disa politikanëve të tjerë.