Fermerët që përpiqen ta shmangin ligjin dhe rregullat për marrjen e subvencioneve nga shteti janë në rrezik të sanksionohen me një ose disa ndalime vjetore për marrjen e ndihmës shtetërore. Autoritetet thonë se shumica e abuzimeve kanë ndodhur për shkak të informimit dhe edukimit të pamjaftueshëm dhe nganjëherë edhe për shkak të ndihmës së pamjaftueshme gjatë mbushjes së aplikimeve. Ligji lejon mundësinë e sanksionimit të të gjithë atyre që kanë përjashtime nga 20, respektivisht 30% e kapaciteteve të paraqitura dhe deklaruara, në varësi nëse bëhet fjalë për prodhime të bagëtive ose prodhime bimore.