Era e fortë shkaktoi probleme të rënda në aksin Lezhë-Milot. 2 kamionë të tonazhit të rëndë u përmbysën, por fatmirësisht pa pasoja në njerëz. Dy kamionë të tjerë u dëmtuan. Për shkak të përmbysjes së kamionëve, në këtë aks u krijua trafik i rënduar.

Dy persona kanë përfunduar në urgjencë nga rrëzimi i disa pemëve dhe dëmtimi i bizneseve. Disa tabela të sinjalistikës rrugore janë rrëzuar.  Moti i keq i shoqëruar me erë të fortë, ka sjellë probleme edhe në furnizimin me energji elektrike në disa zona të Lezhës si dhe në Fushë-Krujë.

Sipas OSHEE janë dëmtuar disa pjesë të rrjetit elektrik në Fushë-Krujë duke sjellë probleme në Nikël, Thumanë, Bubq dhe disa zona të qytetit.

Ndërsa në Juglindje u rikthyhen reshjet e dëborës. Trashësia e borës në zona malore si Dardha, Voskopoja, Vithkuqi, Qafa e Qarrit rreth 5-10 cm.

Të gjitha akset rrugore nacionale janë të kalueshme normalisht për mjetet me përjashtim të segmentit Boboshticë - Dardhë dhe pjesërisht Qafa e Qarrit të cilat kalohen me zinxhirë.

Moti i keq ka sjellë mungesë të energjie elektrike në  fshatrat, Proger, Cangonj, Zemblak, Zvezde, Shëngjergj të cilat furnizohen nga fidri i Cangonjit si dhe ne fshatrat e buzëliqenit të Njësisë administrative Hudënisht.