صفحة البرنامج
https://www.facebook.com/ElkoraMshM33fify
كتابة وتعليق: أحمد عفيفي
https://twitter.com/Ahmed1Afify
https://www.facebook.com/ahmed.afify.549
مونتاج وإخراج: محمد مجدي
http://www.youtube.com/user/forzamalek1911
https://twitter.com/kanzaman_4my
https://www.facebook.com/mohammedmagdi.k.z

رايون سبورت الفتح الرباطي اورلاندو بايترس و اخيرا و ان شاء الله ليس اخرا الصفاقسي .. باربع انتصارات من اصل 6 مباريات الزمالك يكسر الرقم القياسي للفوز خارج الأرض و يتأهل لسيمي فاينال افريقيا لأول مرة من 10 سنين .. والله زمان يا زمالك

من اول دقيقه يلاحظ التغيير الكبير في شكل الفريق .. اخيرا بنقابل الخصم من نص ملعبه اخيرا الفداع متقدم مش راجع لآخر 20 متر .. و كأن احلامي في الحياه بتتحقق .. عجز الصفاقسي تماما عن التصدي للضغط العالي و الدفاع المتقدم و فقد الكورة بسهولة وصلت في بعض الأوقات لليأس .. و لنا هنا وقفه .. عشان نكمل بنفس المستوى مش المفروض نسمح للفوز يعمينا عن وجود اخطاء في اتيتيود اللاعيبه ..

نقطة سلبية مكررة و مرعبه .. الباكين ليفت و رايت طلبة و توفيق في الوضعية الدفاعية بيضموا اوي على قلبين الدفاع .. بيكونوا جنبهم جوه ال18 بالتالي اي مرور لجناح الخصم الأيمن بالكورة من معروف يوسف بيلاقي نفسه في فدان ارض فاضي على ما يطلعله طلبه من جوه ال18 يقابله .. النقطه دي بالتحديد كانت السبب في ظهور باسم علي بشكل جيد في الديربي الأخير

عيب خطير لازال بيعاني منه محمد ابراهيم .. لسه برضه بيعند مع الكورة لما تعانده .لا يليق ابدا بموهبة كبيرة زي محمد ابراهيم يكون المحطة اللي بتنتهي فيها اغلب هجمات الزمالك

كلاكيت تاني مره و بنور اللمبة الحمرا في ظل اجهاد باسم مرسي اللي مش هيكمل بينا كتير لو مأخدش راحة كافية محتاجين مهاجم في اسرع وقت ..

كذا انقاذ مهم من الشناوي في مقابل خروج غلط على عرضية و اخراج خاطيء للكورة تسبب في دربكة تسببت في ضربة جزاء بغض النظر عن صحتها .. بمقياس الحراس العاديين مباراة كويسة .. بمقياس الشناوي لا

حاجة من ريحتنا و طعمنا لوحة من رسوماتنا و فننا غنوة جديدة من اغانينا و هنغنيها كلنا نورت الزمالك يا حمودي

تصحيح .. اول المجموهة B اللي هي مجموعتنا هيلعب مباراة العودة في قبل النهائي و النهائي على ملعبه و عشان نبقى اول المجموعة يكفينا التعادل مع اورلاندو بايرتس لنتساوى في عدد النقط و تحسم المواجهات المباشرة الأمور لصالحنا

اهمية وجود اي جماهير في اي مدرجات يأتي في الأساس من اهمية تشجيع الجماهير اللاعيبه و بالتالي رفع روحهم المعنوية و بالتالي يؤدوا بشكل افضل و فرصتهم في الفوز تكبر .. بره الملعب بقى تنتقد تشيد تحب تكره انت حر لكن المدرج جوه الملعب عشان تشجيع الفرقه اي كان من يمثلها .. لما جوه الملعب و من المدرج تشتم لاعيبة فرقتك ابطال الدوري المتصدرين لمجموعتهم في افريقيا فانت بتعمل عكس اللي المفروض جمهور المدرجات مهم عشانه و بالتالي فوجودك اسوء من عدمه اسوء حتى من لو كان الملعب كله من جمهور الخصم .. جمهور الخصم اللي احترم ابطال مصر و ان شاء الله افريقيا و شجعهم رغم هزيمتة ..