Ky është muaji kur prindërve u boshatisen xhepat për shkak të shpenzimeve marramendëse për mbrëmjet e maturës dhe semi-maturës. Këto shpenzime arrijnë mbi 500 euro ndërsa përgatitjet dallojnë pak nga ato për dasma. Megjithë standardin e ulët shumë nxënës dhe madje prindërit e tyre nuk i vlerësojnë si problem shpenzimet kaq të larta por ka edhe të tillë që mendojnë se për këtë mbrëmje përgatitjet duhet të jenë modeste. Për psikologët dukuria është shqetësuese dhe jashtë çdo norme psikologjike.