Shëndeti është pjesa më e brishtë e njeriut dhe mëe rëndësishme. Pas një studimi ku janë analizuar shkaqet e vdekjeve të shqiptarëve rezulton se pjesa më e madhe e tyre, kanë pasur komplikacione kardiovaskulare që lidhen me zemrën. Sipas të dhënave numërohen 388 mijë persona me sëmundje kardiovaskulare dhe nga këta 3800 persona pësojnë infarkt në një vit. Nga të gjitha këto të dhëna, hipertensioni konsiderohet si vrasësi mëi madh i shqiptarëve. Pikërisht për këtë temë, mjekja kardiologe Daniela Teferiçi na tregoi disa këshilla se si të kujdesemi për shëndetin e zemrës.