Pjesa e trete dt 4 qershor Një histori e trishtë është ajo e një vajze vetëm 15-vjeçare në një fshat të Elbasanit, sot 27 vjeç, e cila u përdhunua nga xhaxhai i saj. E reja, që tashmë jeton jashtë Shqipërie, solli në jetë një vajzë, fryt i këtij abuzimi të rëndë seksual. Sot, pas 12 vitesh ajo kërkon të dijë për fatin e vajzës së saj të cilën e la në shtëpinë e fëmijës. Xhaxhai e kërcënonte: Nëse i thua gjë familjes unë do te vras e do ta hedh trupin?. Më tej ia u largua në Greqi, ndërsa mbesa e tij lindi fëmijën. Sot ajo është nënë e një fëmije tjetër (3 vjeç), por emisioni "Pa Gjurmë" në Report Tv, mundi të gjejë bijën e saj, që sot është 12-vjeçe. Vajza është birësuar në Elbasan, ndërsa babai i saj birësues është një njeri mjaft i njohur në Shqipëri.

Moderatorja e emisionit "Pa Gjurmë" i dërgoi Live në emision nënës, e cila jeton jashtë Shqipërie (në Francë), fotot e vajzës së saj ndër vite. Mes lotëve që nuk mbaronin, nëna falenderoi emisionin "Pa GJurmë" për gjetjen e së bijës. "Nuk kam fjalë, po dridhem", ishin të vetmet fjalë që ajo tha përmes telefonit.

"Vajza është birësuar dhe jeton në Shqipëri. Babai i saj birësues, një njeri mjaft i njohur. Është birësuar nga dy prindër të shkëlqyer, jeton në kushte të mira, ka jetuar edhe në Amerikë", tha moderatorja Odeta Dume.

Emisioni ruajti anonimitetin e plotë të të gjithë personave, ndërsa nënës ju kaluan kontaktet e familjes birësuese. Nuk dihet nëse do të ketë një komunikim mes tyre, apo nëse nëna do të mjaftohet me faktin që vajza e saj jeton në kushte të mira nën dashurinë dhe ngrohtësinë e dy prindërve birësues.

HistoriaNë muajin maj të vitit 2006 ajo jetonte në një fshat të Elbasanit, pasi kishte mbaruar shkollën 8-vjecare. Vajza e cila kërkon të ruajë anonimatin kërkon të rrëfejë këtë dramë të jetës së saj pasi është në kërkim të fëmijës që lindi.

Ishte afro 15 vjeçe në atë kohë kur shkoi dhe atë ditë si çdo herë tjetër tek shtëpia e gjyshit të saj, aty ku jetonte dhe xhaxhai.

Sapo hyri brenda u përplas me shikimin dyshues të xhaxhait të saj, pa e menduar kurrë se cfarë fshihej pas atij shikimi tinzar dhe dashakeqës.

Në pak minutat e tmerrit për adoleshenten ndodhi ajo që nuk pritej. Ajo përplaset me dhunë dhe përdhunohet.

Më pas vjen kërcënimi i xhaxhait ndaj mbesës:

?Nëse i thua gjë familjes unë do te vras e do ta hedh trupin?.

Kur familja mblidhej ajo shkonte me frikë te shtëpia e gjyshërve, për shkak të kërcënimeve të xhaxhait dhe se ndoshta mund të përsëriteshin përsëri minutat e tmerrit.

Xhaxhai shkonte e vinte në atë kohë në Greqia, për të shuar edhe cdo dyshim në një kohë kur mbesës së tij po i dukej edhe më shumë shtatzënia.

Nëna e kupton vajzën dhe lindin dyshimet për shtatzëninë e saj. Vajza pas vizitës tek mjeku rezulton shtatzënë. Këmbënguljes së nënës për të mësuar se cili ishte babi i fëmijës vajza nuk iu përgjigj që prej fillimit. Situata ishte dramatike kur lajmin e mësoi edhe babai, ndërsa vajza tenton vetëvrasjen.

Dhunë psikologjike nga babai dhe presi...