Kush duhet të kontrollojë kompanitë private të cilat shumë herë kanë bërë gabime skandaloze në përkthimin e etiketave të produkteve, apo tabelave reklamuese? Me hyrjen në fuqi të Ligjit të Gjuhëve, kjo dilemë nga dita në ditë po del në pah edhe më shumë. Ligji për përdorimin e gjuhëve në nenet e tij përmend vetëm institucionet shtetërorë, por jo edhe ato private edhe pse në nenin 1 të këtij ligji theksohet qartë se gjuhë e dytë zyrtare është edhe ajo që e flasin 20% e popullsisë në vend.