TIRANE-Kuvendi i Shqipërisë u mblodh sot në seancë plenare për të 'qarë' hallet e popullit, por diskutimi devijoi te aktualiteti politik dhe reforma zgjedhore. Në fillim të seancës ishte Rudina Hajdari që denoncoi se ishte kërcënuar, ndërsa më pas Ralf Gjoni u ndal te reforma zgjedhore.

Po ashtu edhe pjesa tjetër më e madhe e deputetëve që morën fjalën në Kuvend u ndalën vetëm në pjesën e fundit të diskutimit te qytetarët dhe problemet që i shqetësojnë, pasi më shumë u fokusuan te akuzat politike të ndërsjellta.