KAMËZ- Kryeministri Edi Rama ka qenë ditën e sotme në shtëpinë e marrë me qira, pas tërmetti të 26 nëntorit, të familjes Esat Lleshi. Kësaj familjeje u dëmtua shtëpia nga tërmeti, e ndërsa sot janë akomoduar në një shtëpi me qira, teksa kanë filluar ndërtimet për shtëpinë e re.

" Kamëz, Tiranë - Në familjen prej tetë antarësh të Esat Lleshi, e cila u godit nga tërmeti e humbi strehën dhe sot, njësoj si mijëra familje të tjera të prekura është sistemuar në një shtëpi me qira. Deri në ndërtimin e shtëpisë së re apo meremetimin e shtëpisë së dëmtuar, familja e Esatit dhe të gjitha familjet që kanë humbur shtëpinë në qytetet e prekura, plot 4127 të regjistruara aktualisht, do qëndrojnë me qira të paguara nga shteti", shkruan Rama.