Kryeministri Edi Rama ka zbardhur detaje në Facebook për planin e rindërtimit të prezantuar një ditë më parë. Shefi i qeverisë thotë se përveç 18 zonave të shpallura, janë dhe 7 zona të tjerë ku do të ndërtohet, përkatësisht në Krujë, Kamës, Lezhë, Durrës, Kavajë, Shijak dhe Kurbin.


Nga ana tjetër ka nisur procesi i shpronësimit për zonën e re për zhvillim. Në Laç është ngritur Komisioni i Posaçëm. Po ashtu po përfundojnë procedurat ligjore për shpronësimet e nevojshme brenda perimetrit të 18 zonave në zhvillim.
Agjencia Kombëtare e Planifikimit të Territorit drejton procesin për evidentimin e kompanive të kualifikueshme për hartimin e planeve.

Për 3 zonat e shpallura zyrtarisht në Laç, Thumanë dhe Shijak, kjo agjenci ka përfunduar procedurën e përzgjedhjes së 3 kompanive dhe është nënshkruar kontrata. Pritet dorëzimi brenda shkurtit, I planeve të detyruara vendore, Për zonat e tjera dorëzimi do të bëhet në mars.

EKB ka hapur garën për modelet e njësive individuale të banimit. Është firmosur kontrata për hartimin e modeleve dhe në 6 shkurt pritet dorëzimi i tyre, Më pas njësitë zbatuese do të nisin procesin ligjor të zbatimit, nga prokurimi deri tek ndërtimi i shtëpive.

Shefi i qeverisë thotë se vetëm vlerësimi i ekspertëve për godinat e pabanueshme do vendosë nëse ato do të shemben ose jo. Platforma e aplikimit online siguron verifikimin e çdo rasti në nevojë dhe i jep çdo qytetari mundësinë të hyjë në listën e përfituesve, duke eliminuar kështu çdo boshllëk apo ?harresë? që mund të ndodhë si rezultat i pasaktësisë në verifikimet e banesave.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV

Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#Rama#Rindertim#TopChannel