Teksa forcat e ndërhyrjes së shpejte u zëvendësuan me bujë në hyrje të resortit Golden nga Operacioni Forca e Ligjit, policia nuk ka asnjë të dhënë se ku gjendet Altin Hajri, i kërkuar prej ditësh , por pa asnjë gjurme për policinë.


36 vjeçari konsiderohet aktiv me veprime në brendësi të kompleksit aty ku besohet se Jan Prenga u soll i pajetë nga katër shkodranë të kërkuar ende dhe më pas u planifikua edhe zhdukja e trupit të tij.

Në vazhdën e hetimeve ku janë përfshirë edhe pasuritë e emrave të lakuar si organizatorë të pengmarrjes, prokuroria ka pyetur ndërkohë familjarë të Altin Hajrit, jo vetëm për adresën e 36 vjeçarit i skeduar edhe më herët për problemet me narkotrafikun, por edhe për pronësinë e kompleksin Golden.

Burimet e sigurta të Top Channel bëjnë me dije se është pyetur bashkëshortja e Altin Hajrit , shtetasja me inicialet V . H. Gruaja sipas burimeve të Top Channel tregon se Altin Hajri është kthyer në Shqipëri në datën 30 dhjetor 2019 pasi për dy vite ka vuajtur një dënim në Holandë.

Gruaja tregon se ajo nuk e di kujt i përket Golden. Por me menaxhimin e kompleksit ?merret vjehrra ime? shton më tej dëshmitarja. Gjithashtu sipas dëshmitares kompleksi ka si menaxher shtetasin Olsi Turja, ndërsa të ardhurat që burojnë nga kompleksi administrohen nga familja e Altinit si dhe tre fëmijët e çiftit thuhet më tej në dëshmi.

Olsi Turja është lëne nën arrest me burg sëbashku me katër të tjerë, shumica të afërm të Altin Hajrit . Kamera e sigurisë që është nisur për ekspertim shfaq disa persona që nxjerrin të pajetë Jan Prengën dhe e hipin në makina të tjera . 49 vjeçari, sipas dëshmisë së vëllait të tij të quajtur Anton Prenga, u rrëmbye për të kërcënuar vëllain tjetër Astrit Prenga i cili bashkë me shtetasin Gëzim Shullani kishin nxjerrë nga porti për llogari të një anglezi dhe një iraniani ngarkesën prej 260 kilogramë kokainë por që më pas nuk e kishin dorëzuar.

Kjo ngarkesë i përkiste grupit të Gentjan Doçit, edhe ky i kërkuar dhe siç rezulton nga dëshmia e vëllait të pengut, ai kishte realizuar rrëmbimin në Shqipëri, ndërsa emri i shkodranit i është treguar familjes përmes telefonit nga një tjetër bashkëpunëtor, i quajtur Gramoz Rexhepi që mendohet se ka siguruar drogën në Ekuador.

Pengu u rrëmbye në datën 17 janar ora 10.54 me mjetin Range Rover ndërkohë që ky automjet hyn në kompleks në orën 11.35 të së njëjtës dite, për t?u djegur më pas në orën 20.29 minuta.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV

Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#Burg#Holande#TopChannel