Zv/kryeministri Bujar Osmani thotë se banorët e Bllacës që janë të pakënaqur nga çmimi për shpronësimin e tokave ku duhet të kalojë autostrada Shkup-Bllacë, mund të ankohen në gjyq. Ai kujtoi madje se qytetarët kanë të drejtë të ankimojnë çmimin por s?kanë të drejtë të mos e japin tokën. Banorët thonë se çmimi prej 200 denarësh për 1 metër katror përbën tallje, dhe se drejtësinë do ta kërkojnë edhe në Strasburg.