http://www.vizionplus.tv
https://facebook.com/VizionPlusTV
https://twitter.com/VizionPlusTV
Komisioni Evropian i ka paraqitur Këshillit të BE-së kuadrin negociues me Shqipërinë dhe Maqedoninë e Veriut, duke përcaktuar udhëzimet dhe parimet për nisjen e bisedimeve të anëtarësimit. Korniza e negociatave thekson se përkundër sfidave të paraqitura nga shpërthimi i Covid-19, Shqipëria ka vazhduar të tregojë angazhimin e saj dhe ka dhënë rezultate të prekshme dhe të qëndrueshme në fushat kryesore të identifikuara në Konkluzionet e Këshillit të Marsit 2020. ?
Në veçanti, Shqipëria tashmë ka bërë përparime në përmbushje kushtet që duhet të përmbushen para Konferencës së parë Ndërqeveritare.
Pritet përparim i mëtejshëm veçanërisht për të miratuar reformën zgjedhore, pas marrëveshjes politike të 5 qershorit, të sigurojë funksionimin e Gjykatës Kushtetuese, të përfundojë procedurat për emërimin e Drejtorit të Byrosë Kombëtare të Hetimeve, dhe të forcojë më tej luftën kundër korrupsioni dhe krimi i organizuar, i cili mbetet një objektiv afatgjatë, duke përfshirë zbatimin e masave fillestare të planit të veprimit që adresojnë rekomandimet e Task-Force të Veprimit Financiar.
?Draft korniza përcakton edhe grupimet e kapitujve në të cilat Shqipëria dhe Maqedonia e Veriut duhet të avancojnë, që lidhen me kapitullin bazë që përfshin Gjyqësorin dhe të drejtat themelore, Kriteret ekonomike, Funksionimi i institucioneve demokratike dhe reforma e administratës publike.
Gjatë konferencës së parë ndërqeveritare do të kërkohet që Shqipëria të miratojë një udhërrëfyes për kapitujt e sundimit të ligjit të sigurojë zbatimin e plotë pas pranimit. ?Shqipëria të vazhdojë të adresojë me sukses inicimin e procedurave penale kundër gjyqtarëve dhe prokurorëve të akuzuar për sjellje kriminale gjatë procesit të vetingut, fillimin e procedurave kundër të akuzuarve për blerje votash, një rekord të shëndoshë në lidhje me luftën kundër korrupsionit dhe krimit të organizuar në të gjitha nivelet, përfshirë inicimin e procedurave dhe përfundimin e procedurave të para kundër zyrtarëve të lartë të vendit dhe politikanëve, përparim të prekshëm në lidhje me reformimin e administratës publike, zbatimin e reformës së ligjit zgjedhor dhe një vendim përfundimtar për ligjshmërinë e zgjedhjet lokale të 30 qershorit 2019, si dhe përparimi në miratimin e legjislacionit në lidhje me ligjin kornizë për mbrojtjen e pakicave kombëtare, miratimin e ligjit për regjistrimin e popullatës në përputhje me rekomandimet e Këshillit të Evropës
?Drejtësia, liria dhe siguria janë tre fushat prioritare e më pas, pritet të nisë diskutimi për kapitujt e tregut të brendshëm.
Shqipëria gjithashtu do të marrë pjesë në bashkimin ekonomik dhe monetar dhe do të adoptojë euron si monedhën e saj kombëtare pas përmbushjes së kushteve të nevojshme.Shtetet Anëtare nga ana tjetër kanë marrë dhe një përditësim të ecurisë që Shqipëria dhe Maqedonia e Veriut kanë realizuar nga muaji mars kur u mor vendimi në favor të hapjes...