Qeveria ka rritur në 340 milionë Dollarë fondin e rindërtimit nga buxheti i saj për këtë vit, ndërsa vitin e ardhshëm do të shtojë edhe 250 milionë Dollarë të tjera për të përfunduar ndërtimin e të gjitha banesave dhe infrastrukturës së dëmtuar nga tërmeti i 26 Nëntorit.

Gjatë një raportimi në kuvend, ministri i Shtetit për Rindërtimin Arben Ahmetaj, tha se bashkë me donacionet e huaja, për këtë vit dhe vitin e ardhshëm buxheti do të akordojë 900 milionë Dollarë për rindërtimin.

Mbi 1 mijë familje që kanë mbetur jashtë do të hyjnë në shtëpitë e tyre brenda këtij viti, premtoi Ahmetaj, ndërsa tha se do të ndërtohen në total 140 shkolla, 40 prej të cilave përfundojnë brenda Nëntorit të këtij viti.

Nga 4 programe rindërtimi kanë nisur të zbatohen 3 programe, ndërsa pritet të nisë ndërtimi i banesave në Laç që janë donacion i qeverisë turke, dhe i atyre në Spitallë, të cilat dhurohen nga Emiratet e Bashkuara Arabe.

Ditën e premte Bashkia e Durrësit do të nisë shpërndarjen e granteve për banesat e dëmtuara që janë të banueshme, ndërsa fondi për dhënien e bonusit të qirasë ka arritur në 29 milionë Dollarë.

Tv Klan

SUBSCRIBE to ?RTV KLAN? on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook: https://www.facebook.com/tvklan/
Follow rtvklan on Instagram: https://www.instagram.com/rtvklan/
Programet e Tv Klan mund t?i ndiqni edhe në faqen https://tvklan.al/programe/