Lajme Arkiva - Tv Klan 2000

Fillojnë punimet në rrugën Durrës-Morinë. Rreth 15 milion dollarë, kredi e Bankës Botërore, do të përdoret për shtrimin dhe rehabilitimin e kësaj rruge, një nga më të dëmtuarat në vend. Pikërisht sot është çelur zyrtarisht fillimi i punimeve. Në aksin Fushë Arrëz - Kukës 76 kilometër, do të punojnë 4 firma ndërtuese, të cilave ju është vënë afati i përfundimit 10 muaj. Ndërsa për pjesën tjetër do të zhvillohen tenderët brenda vitit dhe pritet që punimet të fillojnë në pranverë.

Banka Botërore kësaj here për dhënien e kredisë ka thjeshtuar në maksimum procedurat për dhënien e implementimit të kredisë. Sipas Ministrit të Shtetit Ndre Legisi, kryeministri Meta është shumë i angazhuar për përmirësimin e rrugëve veriore, në mënyrë që të shtohen lidhjet me kryeqytetin dhe portin e Durrësit.

Drejtuesit e firmave ndërtuese Geci, Kozmar dhe Arifaj do të ndërtojnë secila nga një segment rrugor, kanë deklaruar sot se do të respektojnë të gjitha afatet për përfundimin e kësaj rruge, por pa llogaritur kushtet e vështira atmosferike në dimër. Megjithatë ministrat Nako e Legisi, nënvizuan se do të vijnë shumë shpejt këtu së bashku me kryeministrin për të inauguruar rrugën e Kukësit./tvklan.al

Gazetare ? Ornela Bego


SUBSCRIBE to ?RTV KLAN? on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook: https://www.facebook.com/tvklan/
Follow rtvklan on Instagram: https://www.instagram.com/rtvklan/
Programet e Tv Klan mund t?i ndiqni edhe në faqen https://tvklan.al/programe/