Prej një jave tashmë, rreth 400 të burgosur në burgun e Peqinit vijojnë të protestojnë e madje një pjesë e tyre kanë hyrë edhe në grevë urie. Shkak, janë disa kërkesa që ata u kanë drejtuar Drejtorisë së Përgjithshme të burgjeve dhe Ministrisë së Drejtësisë, por që ende nuk kanë marrë një përgjigje dhe nuk ka pasur asnjë reagim zyrtar në lidhje me kërkesat e tyre.


Top Channel ka siguruar kërkesat e të burgosurve, ku ata listojnë një sërë nenesh të cilat ata mendojnë se janë shkelur. Edhe regjimi i Posaçëm 41 Bis, rezulton të jetë në shkelje sipas tyre.

Ndër të tjera, të burgosurit e burgut të Peqinit, kanë listuar edhe 13 kerkesa, ku kërkojnë, amnisti gjithë përfshirëse 5 vjeçare, pa kritere. Burgimi i përjetshëm sipas tyre, duhet të përcaktohet me vite si në Bashkimin Europian dhe të jetë 20 vite.

Po ashtu ata kërkojnë që të aplikohet lirimi pas kryerjes së 3/5 të dënimit, ligj që sipas të burgosurve vazhdon të mbahet në sirtarët e administratës. Ata kërkojnë që dënimi mos u shtohet nëse i kapin me celular të futur ilegalisht në qeli, si edhe reduktim të tarifave për per telefonatt qe u lejohen të bëjnë nga burgu.

Në pikën e tyre të fundit ata kërkojnë edhe largimin e drejtorit të përgjithshëm të burgjeve, Agim Ismailit, pasi sipas të burgosurve, me urdhëresat e tij, ka dhunuar në vazhdimësi legjislacionin kombëtar dhe ndërkombëtar.

Firmëtari i parë i kësaj kërkese është Verdi Morava, i dënuar për terrorizëm, ndërsa një ditë më parë, Ilir Kupa i dënuar si pjesëtar i bandës së babagjyshëve, në një lidhje telefonike për Top Channel, tregoi se Moravën, pas bërjes së këtyre kërkesave e kanë futur në izolim.

Të burgosurit në Peqin, kërkojnë amnisti dhe nuk pranojnë ushqimin e burgut, derisa të negociohet për kërkesat e tyre, megjithatë nuk kanë dhënë një afat se sa do të zgjas kjo grevë.

Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#Burgu#Peqin#TopChannel