देशाचे सुवर्णनगरी म्हणुन ओळख असलेल्या जळगाव जिल्ह्यात सोन्याच्या दरात मोठी घसरण दिसून आली. सोन्याचे भाव प्रति तोळा 900 रुपयांनी कमी झाले तर चांदी 2200 रुपयांनी गडगडली. गेल्या अनेक दिवसापासून स्थिर असलेल्या सोन्या-चांदीच्या भावामध्ये मोठी घसरण झाली आहे. भावात तब्बल 900 रुपयांची घसरण होवून 48 हजार 300 रुपये प्रति तोळा झाला. तर चांदीच्या भावात 2 हजार ते 2200 रुपये घसरण होवून चांदीचा भाव 63 हजार 600 रुपये प्रति किलो इतका झाला आहे. यामुळे जळगावातील सराफा दुकानांमध्ये महिलांसह ग्राहकांची सोने खरेदीसाठी गर्दी झालेली पाहायला मिळली. बऱ्याच दिवसांनी दर कमी झाल्याने दागिन्याची खरेदी सुरु असल्याचं यावेळी ग्राहक म्हणाले.