బేగంపేటలోని సెంటర్ ఫర్ ఎకనామిక్స్ అండ్ సోషల్ స్టడీస్(సెస్)లో విద్యార్థినుల వసతి గృహానికి ఆర్థిక, ఆరోగ్య శాఖ మంత్రి హరీశ్‌రావు శుక్రవారం శంకుస్థాపన చేశారు. ఈ కార్యక్రమంలో పాల్గొన్న ప్రణాళికా సంఘం ఉపాధ్యక్షులు వినోద్ కుమార్, సెస్ ఫౌండర్ మెంబర్లు మహేందర్ రెడ్డి, జి ఆర్ రెడ్డి తదితరులు పాల్గొన్నారు. ఈ సందర్బంగా మంత్రి మాట్లాడుతూ... తెలంగాణ ఏర్పాటు తర్వాత సెస్‌ను తమ ప్రభుత్వం ఎంతగానో ప్రోత్సహిస్తోందని తెలిపారు. రాష్ట్ర ఆర్థిక, సామాజిక స్థితిగతుల మీద అధ్యయనాలు చేస్తూ సెస్ ఎప్పటికపుడు విలువైన సూచనలు చేస్తోందన్నారు.