ज्या भारतीय जनता पक्षामध्ये चाळीस वर्षे हमाली केली, उभे आयुष्य पक्षासाठी घातले आणि नाथाभाऊ मुख्यमंत्रिपदापर्यंत आला आणि नाथाभाऊच नाव वगळण्यात आले, अशी प्रतिक्रिया देत राष्ट्रवादीचे ज्येष्ठ नेते एकनाथ खडसे यांनी पुन्हा एकदा देवेंद्र फडणवीस यांच्यावर निशाणा साधला आहे. जळगाव जिल्ह्यातील नशिराबाद येथे रेशन कार्ड व बारा अंकी नंबर वाटप कार्यक्रमाप्रसंगी एकनाथ खडसे बोलत होते. मी टरबूजा म्हणणार नाही, पण मी मुख्यमंत्री पदापर्यंत येऊन पोहोचल्यानंतर माझ्या डोक्यावर देवेंद्र फडणवीस आणून ठेवला. आणि मला मुख्यमंत्री पदापासून डावलले.