ਇਹ ਤਸਵੀਰਾਂ ਜੋ ਤੁਸੀਂ ਦੇਖ ਰਹੇ ਹੋ ਮਾਨਸਾ ਦੇ ਇੱਕ ਗਰੀਬ ਪਰਿਵਾਰ ਦੀਆਂ ਨੇ। ਇਸ ਪਰਿਵਾਰ ਦੀ ਮੁੱਖੀ 70 ਸਾਲਾ ਮਾਤਾ ਲਾਭ ਕੌਰ ਦੇ ਪਤੀ ਦੀ ਕਈ ਸਾਲ ਪਹਿਲਾਂ ਮੌਤ ਹੋ ਗਈ ਸੀ, ਜਿਸ ਤੋਂ ਬਾਅਦ ਬੜੀ ਮੁਸ਼ਕਿਲ ਨਾਲ ਉਸਨੇ ਆਪਣੀਆਂ 2 ਲੜਕੀਆਂ ਦਾ ਵਿਆਹ ਕੀਤਾ,ਪਰ ਕਿਸਮਤ ਨੇ ਲਾਭ ਕੌਰ ਦਾ ਅਜੇ ਹੋਰ ਇਮਿਤਿਹਾਨ ਲੈਣਾ ਸੀ। ਵਿਆਹ ਦੇ ਕੁਝ ਸਾਲ ਬਾਦ ਹੀ ਉਸ ਦੀ ਬੇਟੀ ਜੱਸੀ ਦਾ ਪਤੀ ਵੀ ਮਰ ਜਾਂਦਾ ਹੈ ਤੇ ਉਹ ਵਿਧਵਾ ਹੋ ਕੇ ਤਿੰਨ ਬੱਚਿਆਂ ਸਮੇਤ ਲਾਭ ਕੌਰ ਕੋਲ ਆ ਜਾਂਦੀ ਹੈ। ਲਾਭ ਕੋਰ ਦੀ ਦੂਜੀ ਬੇਟੀ ਚਰਨੋ ਵੀ ਸਹੁਰਿਆਂ ਨੇ ਛੱਡ ਦਿੱਤੀ ਤੇ ਉਹ ਵੀ ਲਾਭ ਕੌਰ ਕੋਲ ਹੀ ਰਹਿ ਰਹੀ ਹੈ। ਦੋਵੇਂ ਲੜਕੀਆਂ ਤੇ 3 ਬੱਚਿਆਂ ਦੀ ਜਿੰਮੇਵਾਰੀ ਬਜ਼ੁਰਗ ਲਾਭ ਕੌਰ ਦੇ ਮੋਢਿਆਂ 'ਤੇ ਆ ਪਈ ਏ। 6 ਮੈਂਬਰਾਂ ਦਾ ਪੇਟ ਭਰਨ ਲਈ ਬਜ਼ੁਰਗ਼ ਮਾਤਾ ਦਿਹਾੜੀਆਂ ਕਰਦੀ ਹੈ। ਲਾਭ ਕੌਰ ਦੇ ਘਰ 'ਚ ਇੱਕੋ ਕਮਰਾ ਏ ਜੋ 8 ਫੁੱਟ ਨੀਵਾਂ ਹੋ ਗਿਆ। ਇਸ ਤੋਂ ਇਲਾਵਾ ਘਰ 'ਚ ਨਾ ਰਸੋਈ ਨਾ ਬਾਥਰੂਮ ਤੇ ਨਾ ਹੀ ਚਾਰਦੀਵਾਰੀ ਹੈ |