រឿង“គ្រូរបាំ” _Traditional Dance Teacher FULL | TV5 Cambodia

រឿង“គ្រូរបាំ” ត្រូវបានជ្រើសរើសចាក់បញ្ចាំងជាផ្លូវការ លើកដំបូងនៅមហោស្រពភាពយន្ត ទីក្រុងឡុងប៊ិច រដ្ឋកាលីហ្វរញ៉ា សហរដ្ឋអាមេរិក ឬ Cambodia Town Film Festival in Long Beach, California ។ ហើយរឿង“គ្រូរបាំ” ក៏ទទួលបានទិដ្ឋាការអនុញ្ញាតឱ្យចាក់ផ្សាយ ពីក្រសួងវប្បធម៌ និងវិចិត្រសិល្ប:ផងដែរ។ រឿងនេះគឺជាខ្សែភាពយន្តខ្លីមួយបង្ហាញអំពីវិប្បដិសារីដែលកើតឡើងពីការមិនយល់ចិត្តគ្នា មិនអង្គុយចុះនិយាយគ្នាតាមសម្រួលរវាងកូនស្រីនិងលោកប៉ានៅក្នុងគ្រួសារមួយ ដោយលោកប៉ាគឺមនុស្សម្នាក់ដែលចំណាយពេលវេលាស្ទើរមួយជីវិតដើម្បីថែរក្សា អភិរក្ស និងជួយបង្ហាត់បង្រៀនសិល្បៈរបាំខ្មែរដល់ក្មេងជំនាន់ក្រោយ ប៉ុន្តែកូនស្រីទោលបណ្តូលចិត្តរបស់គាត់ បែរជាចូលចិត្តក្បាច់រាំបែបសម័យទំនើប ហើយលួចរៀននិងលួចដាក់ពាក្យប្រឡងរាំស្ងាត់ៗដោយមិនឱ្យលោកប៉ារបស់ខ្លួនដឹងឡើយ។ ថ្ងៃមួយពេលរឿងនេះបែកការ ទើបបង្កើតទៅជាការឈ្លោះប្រកែកតឹងសរសៃកដាក់គ្នា ដោយម្នាក់ៗសុទ្ធតែយល់ថាខ្លួនឯងត្រូវ, ប៉ាបន្ទោសថាកូនមិនយល់ពីប៉ា ឯកូនបន្ទោសថាប៉ាមិនយល់ពីកូន...។ ចង់ដឹងថា ដំណើររឿងយ៉ាងណាខ្លះនោះសូមទស្សនាដូចតទៅ៖
#គ្រូរបាំ #TraditionalDanceTeacher #TV5Cambodia