#millionsviews #nohaylyrics #AbbasHaiNa #Nohay2025 #FarhanAliWaris
Nohay 2025 | Abbas Hai Na | Farhan Ali Wais | Mola Abbas | Muharram 1447

#AbbasHaiNa #Nohay2025 #FarhanAliWaris #Muharram2025 #Pakistan

Syed Farhan Ali Waris Presents Shahadat Hazrat Mola Abbas Noha 2025 i.e muharram 2025 / 1447.

Title | ABBAS(a.s.) HAI NA
Poetry | MAZHAR ABIDI
Tazmeen Kalam | SALAMAT FIROZE
Composed & Originally Recited by | ABID MEHAR ALI
Additional Variations |
SYED FARHAN ALI WARIS
Courus | Moshin Hashmi, Safdar Kaleem, Meesum Zaidi, Minhal Rizvi
Audio Recording | Meesum Zaidi (LAWA - Studio Karachi)
Audio Mixed & Mastered by | Meesum Zaidi (LAWA - Studio Karachi)
Video | The Focus Studio (Safdar Kaleem)
Special Thanks | FAW Team

NOHA LYRICS |


Haaye

Sab ki ridaon ka nigahdaar hai
Ghazi (a.s) mera aisa wafadaar hai
Cheen nahi sakta koi chaadrein
Jab talak Abbas (a.s) alamdaar hai

Yeh keh ke behnon ko
Yeh keh ke behnon ko Zainab (s.a) ka tasalli dena

Abbas (a.s) hai na
Abbas (a.s) hai na

Har ek behan ko bhai pe maan hota hai
Jahan mein bhai to behnon ki jaan hota hai
Ghamon ki dhoop mein woh saaye-baan hota hai
Bas is yaqeen se khemon mein mutmain rehna

Abbas (a.s) hai na
Abbas (a.s) hai na

Haram ki aas bandhati raho meri khwahar
Batao in ko bharosa kitna Ghazi (a.s) par
Rahain woh baazu salamat dua karo mil kar
Nazar utha ke dar-e-khaima par to dekho na

Abbas (a.s) hai na
Abbas (a.s) hai na

Isi ke saath ummari mein aayi thein ghar se
Bohat mujhe bhi hai dhaaras isi baradar se
Na hone dega woh mehroom hum ko chaadar se
Barhein jo ranj ke saaye to bas yehi kehna

Abbas (a.s) hai na
Abbas (a.s) hai na

Dikhaayi de tumhe jis dam Yazeed (l.a) ka lashkar
Dikhaayein woh tumhein talwar o neiza o khanjar
Chamakhtay neezon pe parh jaaye gar tumhari nazar
Tum apne dil mein jagah khauf ko nahi dena

Abbas (a.s) hai na
Abbas (a.s) hai na

Kaha yeh Ghazi (a.s) ne Kulsoom (s.a) se meri khwahar
Fida Hussain (a.s) pe har maa karegi apne pisar
Jo tere betay nahi hain to koi gham na kar
Teri taraf se fida Shah (a.s) pe hone ko behna

Abbas (a.s) hai na
Abbas (a.s) hai na

Phoophi yeh boli Sakina (s.a) se ae meri bachi
Chacha (a.s) se kehdo woh le aayenge abhi paani
Yeh mashk kya hai woh darya utha ke la dein abhi
Bas apni aankh mein aansu nahi aane dena

Abbas (a.s) hai na
Abbas (a.s) hai na

Bayaan kaise woh manzar ho dono janib ka
Udhar tarai pe Ghazi (a.s) ka mashk ko bharna
Katay jo baazu, chhidi mashk, saara paani baha
Idhar Sakina (s.a) ka pyaason ko dilasa dena

Abbas (a.s) hai na
Abbas (a.s) hai na

Tere hasham pe hain qurbaan Mazhar o Farhan
Alam gharon pe lagata hai aaj saara jahan
Hai tu hi ab bhi ghareebon ka, bekason ka maan
Alam ko dekh ke har waqt bas yehi kehna

Abbas (a.s) hai na
Abbas (a.s) hai na

Yeh keh ke behnon ko Zainab (s.a) ka tasalli dena
Abbas (a.s) hai na