Muntagne luminose è stese pulverose
U sole per cumpagnu, avanzemu
Sò fieri i mo guerrieri, arditi i mo archeri
Mancu ùn si sente un lagnu, cavalchemu

Ripigliu : In lu core di li mei, hè sempre lu veranu,
Senza timore, sanu parlà cù li Dei,
U Spiritu Maiò, mai ùn mi stà luntanu,
E mi parla pianu pianu

Serenu u mo cininu,riposa nant’à u spinu,
Di a donna chì s’arca, hè un surrisu
Quand’ella dorme infine, sott’à i raggi turchini,
Di a luna, l’usciu varca u Paradisu

Ripigliu

Fora, intorn’à le fiamme, s’adduniscenu l’alme,
In un cantu vulendu sin’à e stelle
Da le bocche sfiatate, di li vechji cascate,
Si sentenu legende è riturnelle

Ripigliu

Quandu l’acqua ghjè scarsa, è chì a terra arsa
Diventa infeconda, noi ballemu
Aspittendu d’un ghjornu, più bellu lu ritornu,
E u celu iracondu, noi prechemu

Ripigliu

Figli di i figli mei, stu cantu hè dedicatu,
A voi, sradicati, affinchè di li Dei,
Un Spiritù maiò ùn vi stia luntanu,
Voi Indiani Americani…