امبارح برده واحنا بنتكلم عن المحاكمات العسكرية وعن المتهمين في أحداث السفارة الإسرائيلية ومين متحول أمن دولة ومين متحول قضاء عسكري.. اتكلمنا عن فادي مصطفى الطالب في معهد السينما اللي اتقبض عليه يوم 9/9 وهو رايح شغله جنب السفارة وقلنا إنه من ضمن المتهمين المتحولين للقضاء العسكري.. لكن الحقيقة ديه كانت غلطة، لإن فادي من ضمن ال38 متهم في نفس القضية اللي اتحولوا لنيابة أمن الدولة العليا طوارئ.. والنيابة قررت النهاردة تجديد حبسهم 15 يوم على ذمة التحقيقات.