صباح الخير مشاهدينا .. حلقة جديدة من صباح أون تأتيكم واحنا عارفين متى سيتم انتخاب اللجنة التأسيسية لصياغة الدستور لكن محدش عارف هننتخبها منين ولا إزاي ولا معايير اختيارها .. بس خلاص هنعرف إمتى الدستور هيكتمل .. حلقة النهاردة هنتكلم فيها عن الدستور المنتظر .. وفي فقرتنا العربية هنشوف سوريا وصلت لحد فين .. وفي فقرتنا الصحفية يقرأ الأستاذ جمال فهمي عناوين اليوم .. نفسنا نشوف حاجة بتتغير في البلد دي غير إن المتهمين يهربوا عشان أجانب والمصريين يشيلوا القضية عشان مصريين .. نبدأ اخبار النهاردة

أول أخبارنا طبعا الاجتماع المشترك لمجلسي الشعب والشورى إمبارح ,, اللي اتكلم فيه ممثلى الهيئات البرلمانية للأحزاب والمستقلين لوضع معايير الجمعية التأسيسية لإعداد الدستور.. الكلام كله كان عن نسب التمثيل في اللجنة التأسيسية البعض ممن ينتمون إلى أحزاب سلفية مثل النور والأصالة طالب بزيادة نسبة تمثيل النواب إلى 50% أو60% بدعوى أن الشعب اختار النواب، فيما قلل البعض إلى 20% وطالب بأن تكون النسبة الأعلى من خارج المجلس..