نبدا من مصر.. ومن امام مجلس الوزراء تحديدا .. وفيديو بيوضح تظاهر العشرات صباح اليوم من عمال شركة النيل لحليج الأقطان بالمنيا .. للمطالبة بصرف مرتباتهم المتأخرة من شهر نوفمبر 2011 وحتى سبتمبر 2012 .. الى جانب عودة المفصولين عن العمل وإعادة تشغيل مصانع الشركة.
وقرر عمال الشركة انهم يعتصموا امام مبني الوزارة .. لكن علي طريقتهم الخاصة. احنا اعتدنا دايما اننا بنشوف في الاعتصامات و المظاهرات لافتات كتير .. و مكبرات صوت للهتاف .. لكن العمال البسطاء دول مكنش معاهم (معدات التظاهر السلمي) .. و كل اللي جابوا معاهم .. هيا الشيشة و سبرتاية الشاي .. و شوية اكل.
كان الله في عون هؤلاء العمال البسطاء .. ونتمني ان المسئولين يستجيبوا لمطالبهم المشروعة .. من صرف مرتباتهم المتاخرة .. لعودة تشغيل المصانع مرة تانية.