من مصر برضو .. ومع تزامن حركات اضراب سائقي النقل العام .. اللي بلغ اليوم 70 % من السائقين اللي طالبوا بنقل تبعية الهيئة من محافظة القاهرة لوزارة النقل و المواصلات .. تزامنا مع ده .. قام ايضا مجموعه من سائقي سيارات السرفيس بعدد من الاضرابات في مناطق مختلفة.
فمن قلب ميدان الالف مسكن .. هنشوف فيديو لاحد سائقي سيارات السرفيس وهو بيشرح اسباب إضرابه عن العمل .. هو ومجموعة من السائقين في نفس الموقف.
وبنشوف السائق وهو بيشرح لصاحب الفيديو مطالبه .. اللي منها إنه بيطالب ادارة المرور بعدم محاسبة السائقين عن مخالفات عام 2011 .. اللي بتوقع عليهم بشكل جزافي من وجهة نظره .. لأن وقتها مكنش فيه ضباط مرور. وبيطالب أيضا السلطات بالنظر له هو و زملائه من السائقين المنضبطين بعين الرحمه .. علي حد قوله.